Choose the page language

हाम्रो ट्यालेन्ट समुदायमा बिबिध प्रतिभा र सम्भावनाहरु हासिल गरेका छन्  उनले आफ्नो उत्कृस्ट  प्रयास  र फूटबलको सोखको कारण आफुलाई सुधार्दै समुदायमा सफलता हासिल गर्दैछन्  उनि भन्छन् कि सामुदायिक फूटबल क्लब असक्तता भएका व्यक्तिहरुका लागि समेत समाबेसी  हुनुपर्छ किनभने खेलकुदले समुदायलाई जोड्ने र युवाहरुबिच भाइचारालाई कायम राख्न उत्कृस्ट माध्यम हुन सक्छ  खेलकुदले सबै क्षेत्रका   मानिसहरुलाई एकै धारमा  ल्याउन सक्छ । सामुदायिक मेलमिलापको लागि पनि खेलकुद एक प्रमुख अवसर हो जब मानिसहरु खेल हेर्न र खेल्न जान्छन उनीहरुले नया साथीहरु बनाउन र पुरानो सम्बन्ध बलियो बनाउन सक्छन । 

About the storyteller

The storyteller has chosen to remain anonymous.

हाम्रो ट्यालेन्ट समुदायको एक सक्रिय सदस्यहरु मध्ये एक हुन्  उनले आफ्ना साथीहरुको सहयोगमा एक सामुदायिक फूटबल क्लब सुरु गरे र उनि अन्य क्लबहरुसंग    फूटबल खेल्न र प्रतियोगिताहरुमा भाग लिने गरेका छन्  उनको क्षमता फूटबलमा मात्र सिमित छैन, उनले हेयेरड्रेसरको तालिम पनि पुरा गरि एक प्रशिक्षित हेयेरड्रेसरका रूपमा समुदायमा सेवा पुर्याईरहेका छन्  उनि भन्छन आफ्नो सोख र सिपलाई राम्रोसंग प्रयोग गर्न जान्यो भने मानिसहरुलाई अझ प्रभावकारी रुपमा यस बिबिध समुदायमा बाच्न मद्दत गर्छ 

Transcript Available

Sudina: नमस्ते, Speak My Language कार्यक्रममा तपाईंलाई स्वागत छ। यो कार्यक्रममा अशक्तताका साथ राम्रो जीवन बिताइरहेको र सांस्कृतिक रूपमा विविध समुदायका व्यक्तिहरूको बारेमा कुरा गर्नेछौँ । मेरो नाम Sudina Ghmire हो। म Multicultural Council, of Tasmania लागि काम गर्छु। हाम्रो अन्तर्वार्तामा सांस्कृतिक रूपमा विविध समुदायहरूबाट अशक्तता भएका व्यक्तिहरू जहाँ भएपनि राम्रोसँग बाँच्नका लागि व्यक्तिगत सीप र सामुदायिक स्रोतको कसरी प्रयोग गरिरहेका छन् भन्नेबारेमा केही नयाँ कुरा सिक्न सकिन्छ। साथै, यस कार्यक्रममा अशक्तता भएका व्यक्तिहरूले उनीहरूको वास्तविक कथाहरू, सुझावहरू र विचारहरू मार्फत् पहुँचयोग्य ठाउँहरू, कार्यक्रम र अवसरको बारेमा पनि आफ्नो कथा सुनाउनेछन्। अब हामी अन्तर्वार्ता सुरू गर्नेछौँ। अन्तर्वार्तापछि मसँग अन्य अनुमतिहरू छन्, म तपाईंलाई सोध्नेछु। के तपाईं तयार हुनुहुन्छ?
Sanjeev: हजुर, म तयार छु।
Sudina: आजको हाम्रो अतिथिले उहाँको फुटबल खेल्ने जोशको बारेमा आफ्नो कथा बताउँदै हुनुहुन्छ। जुन जोशले उहाँलाई अन्य सीपहरु पनि निखार्न सहयोग गर्यो। र, यिनै सीप तथा सोखहरु प्रयोग गरेर समाजमा एक उदाहरणीय रुपमा बाँच्न सकिन्छ भन्ने कुरा बताउँदै हुनुहुन्छ। यहाँ आउनुभएकोमा तपाईंलाई स्वागत छ।
Sanjeev: धेरै धेरै धन्यवाद।
Sudina: म तपाईंलाई केही प्रश्नहरु गर्नेछु। के तपाईं आफ्नो बारेमा केही बताउन चाहनुहुन्छ र तपाईं तास्मानिया कहिले आउनुभयो?
Sanjeev: आफ्नो बारेमा भन्नुपर्दा, पेशागत म एक हेयर ड्रेसर हो र तास्मानिया आएको लगभग दुई वर्ष भयो, म आएको।
Sudina: मैले सुनेको अनुसार तपाईंलाई फुटबल खेल्न सारै मनपर्छ। तपाईंले कहिलेदेखि फुटबल खेल्न थाल्नुभयो?
Sanjeev: फुटबल भनेको चैँ मेरो बचपनदेखि नै मैले खेल्ने एउटा फ्रिटाइममा लिजर टाइममा एउटा खेल्ने गतिविधि नै भईरहेको थियो र अष्ट्रेलिया आएदेखि नै यसलाई कन्ट्युनिटी दिईरहेको थिएँ। त्यसपछि, तास्मानियामा पनि मैले कन्ट्युनिटी दिईरहेको छु र लगभग यो भनेको चैँ एउटा हब्बीजस्तै नै भईसक्यो।
Sudina: तपाईंलाई फुटबल क्लब सुरुवात गर्न कुन कुराले प्रोत्साहन गर्यो?
Sanjeev: फुटबल क्लब भन्ने बित्तिकै फुटबल मात्रै होईन भन्ने एउटा मेरो चैँ त्यो सोँच हो, त्यो कारणले गर्दा चैँ फुटबल क्लब सुरु गर्दाखेरी चैँ हाम्ले सबैजना साथीभाईहरुको एकअर्कामा भेट हुन्छ, एकअर्कालाई चिन्ने मौका हुन्छ, यो मेन कुरा, यो कुराले प्लस हाम्रो नयाँ पिँढीहरुलाई चैँ एकअर्कालाई हेल्प होस्, एकअर्कालाई सहयोग होस्, कुनै कुराहरुमा अप्ठ्यारो पर्दा, केही कुरामा सहयोग गर्न सकियोस् भन्ने कुराले नै मलाई यो फुटबल क्लब स्टार्ट गर्नलाई सहयोग गरेको हो।
Sudina: यस क्लबले तपाईंलाई आफ्नो टिमका साथीहरु र समुदायबीच सम्बन्धलाई कसरी गहिरो बनाउन मद्दत गरेको छ?
Sanjeev: हाम्रो फुटबल क्लबमा एभ्री इएर दुईटादेखि तीनवटासम्म टुर्नामेन्टहरु भइरहेको हुन्छ प्लस विभिन्न इभेन्टहरु पनि गरिरहेको हुन्छौँ। जसले गर्दाखेरी चैँ एकअर्कामा सोसियल लाइफहरुको अपरच्युनिटीहरु भइरहेको हुन्छन् प्लस एकअर्कोले अझै नयाँनयाँ मान्छेहरुलाई, नयाँनयाँ बिजनेश पार्टनर्सहरुलाई र तास्मानियामा भएका लोकल बिजनेशहरुलाई चैँ समेटेर माथि लानको लागि चैँ एउटा सोसियल लाइफ क्रियट गरिरहेको हुन्छ जुनसुकै इभेन्टहरुले गर्दाखेरी चैँ। एकअर्कामा एउटा आफ्नो एक्सपेरियन्स बाँड्ने मौका भइरहेको हुन्छ र यो इभेन्टहरु, यो टुर्नामेन्टहरुले चैँ एउटा युथहरुलाई साथसाथै सबै जोजो चैँ फुटबलप्रेमीहरु हुनुहुन्छ, उहाँहरुलाई चैँ फुटबल खेल्नलाई पनि उत्सुकता जनाइरहेको हुन्छ जसले गर्दा चैँ एकअर्कामा, आफ्नो दाजुभाईहरुमा प्लस तास्मानियाको लोकल बिजनेशहरुमा प्लस नेशनल बिजनेशहरुमा पनि हाम्ले चैँ सामुदायिक सम्बन्ध कायम राख्न मद्दत पुगिरहेको हुन्छ।
Sudina: फुटबल क्लब मार्फत् तपाईंले केही परोपकारी काम गर्न सक्षम हुनुभएको छ। के तपाईं हामीलाई बताउन सक्नुहुन्छ कि खेलकुद कसरी व्यक्तिगत रुपमा राम्रो जीवन जिउने र तर अरुलाई पनि मद्दत गर्ने एक तरिका हुनसक्छ।
Sanjeev: यो बारेमा भन्नुपर्दा हाम्रो क्लबले टुर्नामेन्ट मात्रै नभएर विभिन्न च्यारिटी इभेन्टहरु पनि गरिरहेको हुन्छ, एभ्री इएर। जसले गर्दा चैँ जसलाई निड भइरहेको हुन्छ, फर एक्जाम्पलः इभन तास्मानियामा जो बुढाबुढीहरु, अशक्तहरु, उहाँहरु हुनुहुन्छ, उहाँहरुलाई एउटा, उहाँहरुको आत्मविश्वास बढाउनको लागि, उहाँहरुको निडहरुको लागि रिसर्च गरेर हाम्ले इभेन्टहरु क्रियट गरिरहेका हुन्छौँ। च्यारिटी इभेन्टहरु क्रियट गरिरहेका हुन्छौँ जसले गर्दा चैँ उनीहरुलाई वान डे फुल डे अफ एक्टिभिटिज फर अशक्तता पिपुल भनेर यस्तो इभेन्टहरु हाम्ले क्रियट गरिरहेका हुन्छौँ। साथसाथै जो जो हाम्रो फुटबलप्रेमीहरु हुनुहुन्छ, जोजो हाम्रो मेम्बरहरु हनुहुन्छ, उहाँहरुको फ्यामलीहरुलाई पनि हाम्ले डोनेशन रुपमा कसैलाई अप्ठ्यारो परेको छ भने यस्तै च्यारिटी इभेन्टहरुबाट हाम्ले डोनेट गरिरहेका हुन्छौँ जसले गर्दा चैँ एकअर्कामा आत्मविश्वास प्लस एउटा भाइबन्धुको सम्बन्ध प्लस सामाजिक सञ्जालमा एउटा उदाहरण बन्न सफल भएका छौँ।
Sudina: के अशक्तता भए पनि क्लबमा कोही संलग्न हुन सक्छन्?
Sanjeev: हाम्रो क्लबमा हाम्ले यो पनि गरिरहेका छौँ। जोजो अशक्तताहरु हुनुहुन्छ, उहाँहरुलाई पनि हामी वेलकम गछौँ। उहाँहरुलाई पनि हामी अझै पनि तपाईंहरु हाम्रो क्लबमा आउनुस्। तपाईंहरुलाई सक्दो सहयोग हाम्ले गनेछौँ, सक्दो आत्मविश्वास प्लस मोटिभेसन प्लस तपाईंहरुको निडअनुसार के के तपाईंहरुको आवश्यकता छ, तपाईंहरुलाई चैँ कस्तो कस्तो आवश्यकताहरु छ, कस्तो कस्तो चैँ तपाईंहरुको निडहरु छ र रिक्वाएरमेन्टहरु त्योअनुसार हाम्ले फूलफिल गर्ने गरिरहेका छौँ र जुनजुन हाम्रो अहिले स्टिल अहिले फरदर प्लानिङमा पनि छौँ कि सबै अशक्तताहरुलाई कसरी इन्क्लुजन हिसाबले हामीले अगाडि बढ्न सक्छौँ भन्ने कुराको प्लानिङ पनि गरिरहेका छौँ साथसाथै जोजो अशक्तता हुनुहुन्छ उहाँहरुलाई सधैँ हाम्ले वेलकम गछौँ र उहाँहरुलाई कसरी खेल्नलाई कसरी सजिलो हुन्छ र उहाँहरुको खेल्ने इच्छालाई हाम्ले अझै पनि कसरी बढाउन सक्छौँ भन्ने कुरामा चैँ हामीले वर्कआउट गरिरहेका छौँ जसले गर्दा चैँ अशक्तता मान्छेहरुलाई पनि फुल्ली एबल फिल हुन्छ, त्यो चैँ हाम्रो मेन मोटो नै हो र यो हाम्ले गरि नै रहेका छौँ र यसलाई निरन्तरता दिने पनि छौँ।
Sudina: अशक्तता भएका मानिसहरु समावेश गर्ने सामुदायिक खेलकुद किन महत्वपूर्ण छ र यसका फाईदाहरु के के हुन सक्छ?
Sanjeev: जब हाम्ले अशक्तता भएका मानिसहरुलाई संलग्न गरेर एउटा खेलकुद कार्यक्रमहरु गरिरहेका हुन्छौँ, खेलकुद कार्यक्रमहरु अर्गनाइज गरिरहेका हुन्छौँ। ट्रेनिङहरू गरिरहेका हुन्छौँ जसले गर्दा अशक्तता मान्छेहरुलाई एउटा आत्मबल प्लस आत्मनिर्भरता प्लस सेल्फ कन्फिडेन्स एकदम हाई रुपमा फिल भईरहेको हुन्छ जसको साथसाथै एउटा मानिसलाई, जुनसुकै मान्छेलाई अथवा अशक्तता मान्छेलाई आफ्नो मेन्टल, फिजिकल एण्ड साइकोलोजिकल स्ट्रेन्थ, त्यो इन्क्रिज गर्न एकदमै महत्वपूर्ण भूमिका खेल्छ जसले गर्दा अशक्तता मान्छेहरु पनि आफ्नो फुल लाइफ विथआउट एनी हेल्प आफ्नो आत्मनिर्भरका साथ जिउन सक्ने एउटा बाटो बनेको हुन्छ त्यसैले यसलाई चैँ हामी निरन्तरता दिईरहेका छौँ।
Sudina: अशक्तता भएका मानिसहरु समावेश गर्ने सामुदायिक खेलकुद पनि कसरी महत्वपूर्ण छ जस्तो लाग्छ?
Sanjeev: यसको चैँ एकदमै धेरै महत्वपूर्ण छ किनकि जब हामी अशक्तता भएका मान्छेलाई समावेश गरेर खेलकुद गरिरहेका हुन्छौँ जसले गर्दा जोजो उहाँहरु अशक्तता हुनुहुन्छ, उहाँहरुले चैँ आफूले अशक्त फिल गर्नुहुन्न, उहाँहरुले फुल्ली एबल फिल गर्नुहुन्छ, फुल्ली सबैकुरा गर्नसक्ने फिल गर्नुहुन्छ र उहाँहरुको आत्मविश्वास बढेपछि गर्न नसक्ने भन्ने कुरा केही पनि सोच्न सक्नुहुन्न जसले गर्दा डिप्रेशन, एन्जाइटीहरुको प्रब्लम पनि सल्भ भइरहेको हुन्छ र मान्छेलाई एउटा खुशी साट्ने मौका भइरहेको हुन्छ त्यसैले नै धेरैकुराको सहयोग हुने भावनाले नै यो कुरा चैँ अगाडि बढाउनु पर्छ । अझै पनि यो कुरा बढाउने हाम्रो बाधा भइरहेको छ।
Sudina: तपाईं एक राम्रो फुटबल खेलाडी हुनुबाहेक तपाईं एक प्रशिक्षित हेयर ड्रेसर पनि हुनुहुन्छ। तपाईंलाई यो पेशाको बारेमा सबैभन्दा मनपर्ने पाटो कुन हो?
Sanjeev: मेरो पेशाअनुसार चैँ सबैभन्दा मनपर्ने कुरा मलाई भनेको म चैँ एउटा सोसल लाइफ क्रिएट भइरहेको हुन्छ जुन पेशाले गर्दा मैले डिफ्रेन्ट डिफ्रेन्ट मान्छेहरुसँग एउटा कनेक्सन बनाइरहेको हुन्छु जसले गर्दा समाजमा म संलग्न हुने अरु बाटोहरु पनि भईरहेको हुन्छ जसले गर्दा फुटबल इभेन्ट मात्रै नभएर विभिन्न इभेन्टहरुमा इन्क्लुड हुने, विभिन्न इभेन्टहरुमा आफ्नो सक्दो सहयोग गर्ने साथसाथै विभिन्न इभेन्टहरु, विभिन्न गतिविधिहरुमा संलग्न भएर आफूलाई मात्रै होईन, आफ्नो समाजलाई अगाडि बढाउने कुरामा चैँ एकदमै महत्वपूर्ण भूमिका खेलिरहेको हुन्छ, यै पेशामार्फतै जसले गर्दा चैँ मलाई यो पेशा एकदमै मनपर्छ र यसलाई कन्ट्युनिटी दिने मेरो प्लानिङ पनि छ र आफूले गर्नसक्ने जति एउटा समाजमा इन्क्लुड भएर गर्ने पनि प्लान छ।
Sudina: तपाईंको पेशाले तपाईंलार्ई राम्रोसँग बाँच्न कसरी मद्दत गरेको छ?
Sanjeev: राम्रोसँग बाँच्नको लागि सोसियल लाइफ एकदम इम्पोर्टेन्ट हुन्छ र जुन पेशामार्फत् चैँ म एउटा सोसिलयल लाइफ क्रियट गर्न एकदमै ठूलो भूमिका खेलिरहेको छ मलाई र समाजमा जुनसुकै कार्यक्रमहरु, नयाँनयाँ गतिविधिहरु साथसाथै ठूलाठूला इभेन्टहरु हुन्छ त्यसमा मैले डिफ्रेन्ट डिफ्रेन्ट मान्छेहरु भेट्ने मौका पाईरहेको छु मेरो पेशामार्फत्। मेरो आफ्नो काममार्फत् जसले गर्दा चैँ एउटा उदाहरणीय व्यक्तित्वहरुसँग आफ्नो परिचय गराउन पाउँदा धेरै नै खुशी हुन्छ मान्छेलाई र त्यो पनि मलाई फिल भइरहेको हुन्छ र समाजमा नयाँनयाँ चेन्जेजहरुको कुरामा पनि धेरै कुराहरु थाहा भइरहेको हुन्छ जसले गर्दा न्यूजहरुप्रति पनि अप टु डेट हुन पाइरहेको छु। यस्तै कुराहरुले गर्दा चैँ मलाई एउटा राम्रो लाईफ जिएको, राम्रो एउटा खुशीको लाइफ जिएको म अनुभव हुन्छ र यो महशुस चैँ यस्तै भइराखोस् र हुनेछ भन्ने चैँ मेरो धारणा छ।
Sudina: हामी कार्यक्रमको अन्त्यमा आईपुगेका छौँ। हाम्रो कार्यक्रममा आउनुभई अशक्तता भएका व्यक्तिहरु पनि फुटबल खेल्न सक्छन् भन्ने बारेमा बताउनुभएकोमा धन्यवाद दिन चाहन्छु। व्यक्तिगत रुपमा पनि मैले उहाँबाट धेरै कुरा सिक्न सकेँ जस्तैः फुटबल क्लबमा कसरी चैँ मान्छेहरुसँग चिनजान बढाउने, सामाजिक सम्बन्ध कायम गर्ने त्यतिमात्र नभएर आफ्नो पेशाबाट पनि मान्छेहरुसँग सम्बन्ध कसरी बढाउने, चिनजान कसरी गर्ने भन्ने कुरा मैले सिकेको छु। तपाईं हाम्रा श्रोतालाई के महत्वपूर्ण सन्देश छाड्न चाहनुहुन्छ?
Sanjeev: जति पनि मेरा श्रोताहरु, उहाँहरुले सुनिरहनुभएको छ, उहाँहरुलाई यति भन्न चाहन्छुः तपाईं लाइफमा आफ्नो लाइफमा तपाईं नसक्दै हुनुहुन्छ अथवा जुन अवस्थामा हुनुहुन्छ स्पोर्ट्सलाई चैँ अल्वेज इम्पोर्टेन दिनुस्, फुटबललाई अल्वेज इम्पोर्टेन दिनुस्, तपाईंको इन्ट्रेस छ भने, फुटबल खेल्नुस्। आफ्नो स्पोर्ट्समा कायम राख्नुस्, आफ्नो स्पोर्ट्स गतिविधिहरु एभ्री विक गर्नुस् जसले गर्दा तपाईंलाई आत्मनिर्भर सेल्फ कन्फिडेन्स एज वेल एज गएर तपाईंलाई एउटा आत्मखुशी फिल हुन्छ। तपाईंलाई विभिन्न कुलतहरुबाट पनि यसले बचाइरहेको हुन्छ जसले गर्दा चैँ तपाईंलाई खुशी फिल हुन्छ। तपाईंलाई खुसीको महशुस हुन्छ र एकअर्कामा एउटा सोसियल लाइफ क्रियट हुन्छ र धेरै मान्छेहरुको सम्बन्ध बिल्डअप भइरहेको हुन्छ जसले गर्दा तपाईंले आफ्नो आफ्ले आफ्लाई पनि अरु मान्छेहरुसँग चिनाउन सकिरहनुभएको हुन्छ र जोजो अशक्तताहरु हुनुहुन्छ उहाँहरुले पनि फुटबल खेल्नुस्, तपाईंको रिक्वायरमेन्टअनुसार हाम्ले सहयोग गरिरहेका हुन्छौँ। कसरी तपाईंहरुलाई अगाडि बढाउन सकिन्छ भन्ने कुरा हामी अझै पनि गरिरहेकै छौँ र यो कुरामा चैँ केही प्रब्लम पर्छ भने सधैँ हाम्लाई सम्पर्क गर्न सक्नुहुन्छ, हाम्रो फेसबुकमार्फत्। यति नै भन्न चाहन्छु।
यदि तपाईंले हाम्रो रेकर्डिङ मन पराउनुभयो भने कृपया हाम्रो वेवसाईट www.speakmylanguage.com.au मा थप जानकारी लिन सक्नुहुन्छ। Speak My Language कार्यक्रमको बारेमा अरुलाई पनि भन्न सक्नुहुनेछ साथै हामीलाई फेसबुक, Facebook, Twitter, Instagram वा LinkedIn मा पनि हेर्न सक्नुहुनेछ। हामीलाई यस्तो किसिमको वार्तालाप अष्ट्रेलिया र शायद संसारभरि नै जारी राख्न मद्दत गर्नुहोस्। तास्मानियामा Speak My Language कार्यक्रम सञ्चालन गरेकोमा मल्टीकल्चरल काउन्सिल तास्मानिया गर्व गर्दछ। Speak My Language कार्यक्रम Department of Social Services जको आर्थिक सहयोगमा अष्ट्रेलियाभर सञ्चालित छ भने अन्य राज्य र क्षेत्रमा पनि Ethnic and Multicultural Communities’ Council र Multicultural Councils को बिचको साझेदारीमा अष्ट्रेलियाभर सञ्चालित छ। हाम्रो राष्ट्रिय प्रसारण सेवाहरु SBS र NEMBC हो धन्यवाद।

This is a stock image
Interview by
Sudina Ghmire

म ,सुदिना घिमिरे, नेपालबाट अष्ट्रेलिया २०१५ मा बसाई सरेकी हुँ। म सपोर्ट वोर्करका रूपमा ऐज्डकेयर र डीसेबिलिटी क्षेत्रमा कार्यरत छु । ।काम बाहेक मेरो... Go to page where you can read more about Sudina Ghmire